(""دارميات""")

موضوع: (""دارميات""") الثلاثاء مارس 20, 2012 11:24 am

"""""""""""""""""""""
راح اخبر السلطات واهلي وعمامي...
من عندي كلبي انباك وانته الحرامي...

تستاهل انت الروح شنهي الرسايل...
حبك سكن بالروح مو بالمبايل...

تنساني ماانساك ياشمعه الدار...
غالي وعزيز اهواي واسمك بالاشعار...

ريت الكلب ينشال وبصدري اخليك...
وخلص العمر وياك كل دكه احس بيك...
سعفه ويطكه الريح هم اشوه مني...
اتناثر ويه الريح من تجفي عني...
وجهك نشاز هواي ____بخلقتك...
من ___ ____ هاليوم البيه عرفتك...

دورت ماكو انسان يملك جفن غض...
يخزر الميت بيه من موته ينهض...

شلتك اسم سياب وبحضن دافي...
وبروحي ألك تمثال يسوى الرصافي...

رايدني احط تمثال ها خالد شبيك
اذابروحي احط تمثال جاوين اخليك

لو ردت احط تمثال مو للرصافي
شاعر ومات وراح وبالكبر غافي

لوفكرت تنساك عيني انه لحظه...
اعميه بلعباس كون انته ترظه...

عيدنه واحنه اذلال وامريكا عدنه...
جان اليريد ايخاف يلبد ابسدنه...
.
سلاني سل فركاك سواني دخان...
واتناثرت بالريح من لحظه احزان...

اتبرى من الروح واذبحه بيدي...
واعصر اكليبي اعليك واكطع وريدي...

اسأل عليك الروح مدري شتكلي...
مدري انته نص الروح مدري كلي...

شرسلك يبعد الروح ما تنوصف يالغالي...
قليل بحقك التعبير حاير حتى نقالي...

عايش تظل للدوم بعيوني دمعه...
حبك سكن بالروح حوسمله قطعه...

مشتاك الك مشتاك وبكلبي حسره...
بيه كسر يهواي وانته التجبره...

اوكف ولوزعلان كلمه ارد احاجيك...
وياما بجيت اهواي هسه ارد ابجيك...

دمعه التشك العين جمره احسبته...
وروحي من الشوك لجلك بعته...

اصفن واجر حسبات والدمع سجاب...
الفركه مثل الموت مابين الاحباب...

خلص صبري وضاع وكتي وماوصل منكم كلام...
والعشك لوصار سكته مو عشك صار أنتقام...

جتفت روحي اجتاف كل ضني تنساك...
من روحي طلعت روح كالتك اهواك...

العسر خاله البين وانته احكم بهاي...
بين ابن اخت والخال حطتني دنياي...

وين انته وبيا صوب وبيا نويه...
فرفحت روحي اعليك بس رد عليه...

ميت وافكر بيك من فاركيتك...
رغم المراره البيك بس اشتهيتك...

كون الكلب تركيب وتنزعه وتنام...
تغفالك اسبوعين من من ظيم الأيام...

ماناسي والعباس والينسى ماعاش...
حبكم لكيته وياي نايم بالفراش...

مخبل واسولف بيك صبح ومسيه...
اكسب ثواب شبيك واسأل عليه...
من گلبي اسوي ارسال وارسلك الروح...
واگلب الدم سنتات واتحدى الجروح...

ازعل يبعد الروح نتلاگه بعدين...
انا ادري بالسباح مايترك الطين...

عايش تظل للدوم بعيوني دمعه...
حبك سكن بالروح حوسمله قطعه...

كون ابخس من هاي وانته اردى مني...
اطشرت وانوب رايد تذمني...
ليل وبعد وفراك وشيخلص الليل...
وحيل انهدم بجفاك ماظل بعد حيل...

هاك الكلب والعين خليلي بس عين...
لوهم بعد تحتاج اكسمهه نصين...

خل تخلص السنتات والارصده تروح...
صدكني من اشتاك ارسلك الروح...

من الله رقمك طاح من الله بيدي...
بعزم الله اخلص الروح موبس رصيدي...

ارد اسئل المشتاك والگلبه مجروح...
الجسد هم يعيش لو عافته الروح...

جيبولي ساهي العين جيبوه اريده...
للكبر يمشي وياي يدفني بيده...

الجسم سل والحال صار ارده من عود...
من يحترك بالنار شيخضره اردود...

مثل القفص للروح الجسد مخلوق...
تفرح بفتح الباب والجنح مطلوق...

تضحك عليه ادريك بس طبع بيه...
افرح واصير وياك واضحك عليه...

اذاانته فقط مشتاق ترانه الشوك جنني...
واحس العالم بدونك وحش ويريد ياكلني...

مبخوت اضل للشيب يفلان اذكرك...
وينكرني نور العين من كون انكرك.

وينك حبيب الروح محتاج اضمك...
صح امشي بين الناس بس روحي يمك...

اعظم حرب بلكون ياحرب العيون...
منهن تسودن قيس سمنه مجنون...

من كل كتر مجروح اصبح وطنه...
واجب علينه انكوم وانضمده كلنه...

شلون امشي لك بالعيد وانت اعز ناسي...
بين الزحف محتار بين اعله راسي...

شكثر ذلتني الليالي مأضن مره اشتكيت...
بس على فراكك ياغالي‎دنكت راسي وبجيت...

جبهت حرب وبحور بينك وبيني...
بس ويه ما انخاك روحك تجيني...

العشك صار وياك مو رغبه خاوه...
وتتبختر اعلى الناس صاير شقاوه...

طيب واظل وياك مخلص للوداع...
هم انته مثلي اتصير لوتنكر بساع؟...

طيب واعرفك دوم للخوه تهتم...
والخوه بس وياك ازكيها بالدم...

بكل حلو لوله اتصير
بس شحجي عنك...
صارت اللوله البيك حتى احلى منك...
صديق الجنت اضنه يحامي ظهري...
ثاريه من التفت ينهش بلحمي...
عامر يظل للدوم البينك وبيني...
وافرح بكل مرسال منك يجيني...

عسى الود مايرحل ولاالدنيا تفرقنا...
ولاغصون الهوى تذبل ولا ننسى حبايبنا...

خليني درع بالضيج أصد أرماح عدوانك...
وخليني الك عنوان اخاف ايظيع عنوانك...

لاتضن يوم انساك لو يوم اعوفك...
صدكني ابيع الروح بس كون أشوفك...

لوكلبي خان وياك يوم بمعزته...
أزرعله ست عبوات وأشعل صفحته...

لويفارقني خيالي مايفارقني غلاك...
يكفي اني أعزك حتى لو ماني معاك...

لاتلزم الشباج يلمالك أحد...
ولاتعد بالخوان ماينفع أحد...

شوف شكثر مكروه يالخالي جيبة...
حتى الرضع وياه ينكر حليبة...

ماصدك اليحجون بس بيك أصدك...
لن كلبي أنه وياك كل ثانية يدك...

لالاتهم ياصاح لاتهم العين...
الدنية ماتوفيش خانت بالحسين...

والحمزة والعباس والما شرب ماي...
منكر وداد هواي لو تنكطع هاي...

ياصاحبي دمعي نشف ماظل دمع بالعين...
افراك النحبهم صعب شك الكلب نصين...

ارد ابجي تالي الليل بس ابجي بهداي...
والصخر لوله اعيون جادمع وياي...

رحت انه للدكتور شاورني بسكوت...
لو ولفك يداويك لو باجر اتموت...

بروحي احط اهواي واتلفلف اعليه...
بالكلب ست اجروح سابع اخليه...

سلمتك الدلال وبتوته كلهن...
ظلت بكيفك عاد تكطع تشدهن...

مالي كلوب اثنين خو تدري بيه...
واحد واخذته وياك وشظل اليه...

بالكلب شبت نار طفيها يهواي...
بالوصل تطفه بساع ماتطفه بالماي...

تيزاب احط بالعين واعميه بجفاك...
خافن تصد للغير وانس المضه وياك...

لا تعتقد ناسيك دوم بخيالي...
من دكت النقال اعرف الغالي...

حط منخلك وبضيج وبساعت امصاب...
غربل وشوف اشلون مغشوشه
الاصحاب...

غربلت ماخليت كلمن مشه وياي...
من المنخل ايطيحون اسرع من
الماي...

بلدمع غركانات ابقن يلعيون...
الفارك الخلان يتبسم اشلون...

هاك اخذ گلبي ویاك یلماشي لهواي...
گله انزرف بجفاك وابوصلك ادواي...

هنيالك أنتة اتنام ليلك بله هموم...
صدكني من فركاك من نومي محروم...

شوف شكثرولهان وتعبان بالي...
بس ألك روحي أتهيد والله
يا الغالي...

لاتلوم اليودك باع روحه
واشتراك...
ذنبةالأول يحبك وذنبةالثاني غلاك...

وحك موت ألأخذعباس وحك من غمض أعيونة...
أحبك من كلب ولسان لأن أنتم
تحبونة...

هاك الكلب يفلان اخذه برساله...
مكعدني نص الليل يشكيلي حاله...

زين انته نص الليل كلبك يكعدك...
كلبي انه الك يهواي رايدني اعبدك...

كلبك يشك اضلوع لكن جبرتة...
جالك كليبي بليل ما ادري سكتة...

كلبك خلص تكطيع متعجب انته...
كلبي انه بفركاك اذكر شلعته...

تدري انته شيصير من تعبر عليه...
ابكلبي رجفه اصير وتموت اديه...

لو تدري بيه شصار من غبت عني...
مثل اليهيم بليل وبراسه جني...

ياصاح دمعي نشف ماظل دمع
بالعين...
فراك التحبهم صعب شك الكلب نصين...

لاتضن حي وانساك ونسه الليالي...
جثه بوسط تابوت وانته على بالي...

سلم عليه وراح حسبالي ضدي...
ماادري لمن راح راحاله خدي...

صدكني ماانساك صدكني احبك...
دورني شوف البيك تلكاني كلبك...

شتظن اعوفك بعد واكدر على غيابك؟...
مو روحي شجره صبر ونزرعت ابابك...

ضيم وقهر وفراك وهم دمع سايل...
وصار الكلام وياك بس بالرسايل...

اتمني اصير اعيون وابجي على خدك...
تدريني اموت اعليك كلشي ولابعدك...

من كثر مامشتاك ذكرك على البال...
بنص كلبي الك ياصاح راح ابني تمثال...

ماضل عضو من اعضاي صاحي واجيلك...
ياأبرهه بكل يوم يسحگني فيلك...

خليهه حلوه النار تجويني خلهه...
احاه تگلي الروح اشاه أگلهه...

أهلا وسهلا بيك اهلا وسهلا...
وگبل السلام اعليك دمعاتي هلن...

لابيك جيه اوتجي اولابيه انه انساك...
ضليت بس بلحلم نتلاگه انه اوياك...

أبشر يبعد الروح لرگبه دونك...
ومثل النسر لوجاع لليضدونك...

اهلا وسهلا بيك انته وسلامك...
وتسوه اثنعش مليون نكلت اجدامك...

يتشابهن باالضوك ملحك وملحي...
بس انه حط عالزاد وانته اعله جرحي...

أنسى الله كون انساك وابرئ من الاسلام...
على الگبر لومريت اتحرك اعظام...

لو ردت أحجي عليك بالطيب أذكرك...
ولو أنكر الخوان لتظن أنكرك...

ردت أنه أدور عليك وين أنته متكون...
يحبيبي شو فركاك أثر بالعيون...

يمسافر الله وياك بسم الله محروس...
ياشفة بعد شفاك تستاهل البوس؟...

لتظن سفرنة يطول ليش أنته خايف؟...
ولغيرك يظل ممنوع بوس الشفايف...

سود العيون كبار والحلك محبس...
يحرسهة رب الكون لو دلع تلبس...

ياحروفي ذكريهم ان قلبي محتويهم...
ولوظروفي اشغلتني يعلم الله ما ناسيهم...

لا مسج ولا مسكول عبالي امفلس...
بس ادري بيك كلش زين لوتي ومغلس...

مساء الشوك يلي من العسل اصفى
ولوبيدي علاج الناس لخلي شوفتك وصفه

ولو أزعاج من عندي أرجو المعذرة منكم
تعود عالرقم صبعي يغافلني ويراسلكم.

لاتمشي بين ألبشرخايف تصيبك عين
مشكلتي لوأخسرك مثلك أجيب منين.

أحلم واسولف بيك واحلف براسك
النجم لومربيك دنك وباسك

ماأكدر اوصل ليك ولااكدر انساك
مدري الزمان شلون ورطني وياك

مجنون بيك اعترف وبروحي
ضميتك
ومن دون كل البشر بس انته
حبيتك

يل بالكلب طبيت حيل اسحك اسحك
اردح على السباح والله انته
ابو الحك

اهديلك البوسات كلهن فرد نوب
لوغارو العذال يطك الف طوب

ردتك تجيني اليوم وبعيني اشوفك
وشلون اصبر الروح من كتلي
اعوفك

صح من انام اليل واتغمض العيون
بس الكلب والروح بيكم يفكرون

اسمر بعين الناس وبعيني لاله
كل الزبير يروح فدوه لخيال

انخاني شوف اشلون راح
انتخيلك
اتعكز اعلى اضلوع صدري
واجيلك

احس القلب محتاجك وطول البعدجارحني
وأناأسف لأزعاجك بس الشوك ذابحني
للصاحب امشي بليل وللخوه ممنون
ولو نشف دمع العين ابجيله العيون

كطعني ذبني بنارواحركني بيدك
التم وارد اردود بس كول اريدك

شدني بجذع من نار وارميني جيلات
ايدفنوني اجيك بليل بالكبر مابات

الكلب تالي الليل فز بونيني
لو للحبيب اتروح لو توديني

الكلب تالي الليل فز فرد فزه
لو للحبيب اتروح لو نحري احزه

لوغبت عن الروح احسبهه شده
واحرك بدمع العين حتى المخده
فخخت قلبي بمحبتك انت ارهابي خطير...
بس اضل للموت احبك لو زرقاوي تصير...

لاتخسرالسنتات رمشلي ترميش... ‎ حبك نبت بحشاي فلشني تفليش...‎

شرجي او تلملم غيم وشتد مطرها...
روحي اشتهت ملكاك من فلك طرها...

كل فرگه صعبه اتصير انساها وتهون...
بس فرگتك تيزاب ينزل بالعيون...

مخلوقه هاي ألناس بلقدره من طين...
ورب ألعرش سواك من مشمش وتين...

لو الدهر وازاك ازرع طماطه...
وبصفه حط خيار تشبع زلاطه...

ارد احفر التبليط وازرع بتيته...
ليش اليحب حلوين ينهجم بيته.

الروح حنت الك والعين مشتاگه...
تدري اليحبه القلب مو هين فراگه...زهارك...
خليك دوم بوصل لا تكطع اخبارك...

تحـــــــ مع ـــــــيات
الجــ♥ــــALIــــ♥ــزار
_.،-"-،.علي السالمي.،-"-،._