منتديات بعد احلى
نورتو حبايب منتديات بعد احلى نرجو منكم التسجيل

منتديات بعد احلى

منتديات بعد احلى كل شي معنا جديد وحصري
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 احلى الابوذيات

اذهب الى الأسفل 
كاتب الموضوعرسالة
علي السالمي
&*الــــــــــــــــمشرف الجيـــــد*&
&*الــــــــــــــــمشرف الجيـــــد*&
avatar

عدد المساهمات : 131
نقاط : 369
تاريخ التسجيل : 20/03/2012
العمر : 20

مُساهمةموضوع: احلى الابوذيات   السبت أبريل 21, 2012 12:02 pm

كون جدام عدنه وانتخطه
وصرت دفتر الك وانت خطه
واصيرن مدرب بعد وانت خطه
وبكيفك العب مهاجم لو دفاعيه
_____________
2كتبت حروف اسمك بكلبي وخطيت
وامشيلك التالي الدرب وخطيت
ان جان هواكم ذنب وخطيت
اقبل بالذنوب تصير بيه
______________صديقك لويهدك لاتهده
وعن عينك عدوك لاتهده
لاتزعل بسرعه لاتهده
الجرح صح بيك بس الالم بيه
____________بحرالشوك ماضن بيه شطي
وان كل البلامه عرفت شطي
طلبني الولف حاجه وحرت شطي
كبل انطيته كلبي ومن عليه
______________احبابك لاتكاطع دوم مرهم
واخليك الجروح الكلب مرهم
انابلياك لا والله مرهم
حبيبي بغيبتك شفت المنيه
______________سبحان من صورج بأرض الصحابة علم
بغداد اسمج فكر دين وحضارة وعلم
خلي يسمع الماسمع وحتى الدرى والعلم
بنت الرشيد اعتقد تابى تظل مايلة
وان جفت ارض الوطن دمعي يصح مايلة
شخص الرصافي بقى ثابت ابد مايلة
وتبقين انتي اصل فوق العروبة علم
_______________ونهوى
حبيب الروح ناسيني ونهوى
عجب وشلون يتركني ونهوى
شلون اثنين صرنه ونه هو مسودن وراح اكطع الهدوم العليه
________________من يوم حبك تره ناري اصبحت لاهبه
والصبر بيه التهه وانه اصبحت لاهبه
لاخير منك بدر لاشكر لي لاهبه
رب الحسن بس الك كل الحسن موهبه
وذوق تئليف الشعر عندي صبح موهبه
كالولي من محبوبتك صحت وكلت مو هبه
ضحكو وردو علي كالو جذب لاهبه
_____________
وحق من ضافلك نكهه وحلاك
اشدك وكت ماريدك وحلاك
روح العب ويه البعمرك وحلاك
تره ويانه اللعب صدك اذيه
______________زماني وية الالم وياي ميعود
حبيبي الراح ابد والله ميعود
الحزن انوب يريد يعود ميعود
مبلل ترة وما خاف لو تمطر عليه
____________مشغولين بيمن من شغلكم
ولوموشغلي هذامن شغلكم
بعدماراح ابجي من شغلكم
اموتن راح واحسمها القضية
_______________وحك هموم البصدري ولك راب
الماي بغيبتك صدك ولك راب
اللي رب اليصبرني ولك راببت
اليفجعك يلعليهم خنت بية
_______________علمنا هذا الوكت شما نغلط شما نزل
نمسح دمعنه بخجل لو على خدنة نزل
وما نضعف شما جرى مثل الجبل ما نزل
يدي يجفني قهر نزل دموعك دبــچ
ظل عاند العاندك وبگلبه خايب دبــچ
الخليته فوك الگلب هم ما تهده دبــچ
واحنه ما نرضه ترة يدبــچ علينه النــزل
_______________عليك انجان خلو سور وشـراك
ابيعالروح للمحبوب وشـراك
انه وياك نفس الكلب وشراك
ونفس النبض دكتنه سويـــه ؟؛_____________يسادة الروح ذبله....وجدكم
وحك شارة منايركم ...وجدكم
اجيت وضنتي الكاكم...وجدكم
ياهو الاسأله يكلي أنا اشعليه
______________وجرني
بحباله الوكت دوهني وجرني
وبدار الغرب اوكدني وجرني
وصحت يحسين دحضرني وجرني
ولسعات البعداوجرن بيه
______________سبحان الخلق طولك والك صاغ
الباري من الذهب صنعك والك صاغ
نسيت الناس من تحچي والك صاغ
الك بروح قصر وكسر فية
_______________عذاب الشوك شبگ ساعديني
وساعة انخة الايمة ساعديني
على نص النوايب ساعديني
كلف ظيم العشگ كلة علية
________________ابيع الناس كلهة برخص واشراك
واخليلك حرس وعيون وشراك
ان ما اريد الحرام ارتكب واشراك
اريدك بالحلال تصير الية
______________عمري نصه ضيعته ونصبه
واجيب الحلو گدامي ونصبه
انه الماصرت ضحكه ونصبه
نصب وكتي وضحك غصبن عليه
______________حزني من صباي على الوجه مرسوم
ومن اضحك اضحك بتوقيع ومرسوم
جرح الناس شخط وجرحي انه مرسوم
وما خليت شامت يحس بيه
_____________
الوكت عليًٌُ ياخوي من صاح
الدهر دومه وياي من صاح (مانصح)
اغاب البين فوك الراس من صاح
هذا الادور عليه كل أذيه
..................................چبير وابد ما تخلف ... وعيدك
ومو مثل الشهر انته ... وعيدك
براس السنة أعيدنك ... وعيدك
بعيد الاضحى وايامه الهنية
.............................المصايب تترادف علي واناصر
معين على الدهر ماكو وناصر
ابزماني جربت عادل وناصر
لكيتهم بالشدايد درع لية
................................وردت بهالزمن صاحب وعاين
أنصحك بالكلب ميز وعين
صفات الطيب والغيره وعاين
فعال الخير من فعل الرديه
.................................قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
..................................ليش انشد شغيرك منته الشهد شاربه
ريش شر الشر بشر شاف الشمل شاربه
وشمل البعته يخي تدري شمل من شمل
اكصيت بي بس بخت راده بسعد منشمل
دكاتك اتخالفن متدري يمن من شمل
مجبور اكولن جذب كلمن لزم شاربه
...................................الك حاجب شوصفنه والك عين
ولك بسهام ترميني ولك عين
ولك كافي ولك بطل ولك عن
ولك مو دوم تتمرجح عليه
.................................علامك يا عراق الخير والطيب@
وبترابك نداوي العلل وطيب@
تجيك الناس مدري منين وطيب
وجابولك الفتنه الطائفية _____________بطرواك طول العمر صبح ومسه ذاكره
ولتكول عني ابد هذه الولف ذاكره
كليبي ناسي وامس طيفك اجه ذاكره (ذكره)
طالبني رغم الجره بحنيه خايب شحن
ودموعي جي سافرت بعيوني صدك شحن
دبدوبي علشاحنه ومن كال تم الشحن
كلت ارسل الروح جاوب ممليه الذاكره
______________غركان بحبك وناجيك
رمشلي خابرني وانا جيك
لاني ياباني ولاني جيك
عراقي وميت بحب ألعراقية _______________وحك صورة الم نشرح والانفال
لساني انعكد من شفتة ولنفال
دعيت الباري بالخمسة والانفال
يصير قسمتي حد يوم المنية
_______________ناحل صرت من وكتي وناني
وكلمن مستوي زادة ونا ني
يزهي الوكت للباطل وناني
وسليم الذات غارك بالاذية
________________الصديق ما يتبدل بالذهب لومال
واصير الة سند للـــحمل .. لو مال
خاف اتكول مني تعـــــب .. لو مال
اضل وياك لاخر نفس بية
_______________هلاله بالسمه عالي وسامي
ومحبتهم على صدري وسامي
وجوه شكثر فرگنه وسامي
وتظل ذكراه دوم تعييش بية
_______________انزرع حبج بوسط القلب يا در
بشوصفج يا ذهب يا ورد يا در
لعوفنج و اهيم اليوم يا دار
من اجل الحبيب العن عليه
_______________انزرع حبج بوسط احشاي و الروح
نحل مني الجسم و العقل و الروح
فدواتج اعيوني اثنين و الروح
و لا وسفة علي هيجي منيه
______________حبيبي كون اكضنك و حبك
اقتله الي دني يمك و حبك
قلبي اتسودن الشوفك و حبك
اتجنن و انت ما تلحق علية
______________حياتي امعلقة بيكم و حبكم
جنون الصابني منكم و بيكم
وصلكم نور لعيوني و حبكم
حياتي و رجعيتوا الروح اليه
______________حبيبي انت حلو نبتك وعودك
وصفك حلو و اطباعك و عودك
متي تصدق لي عهودك و وعودك
انا متاني ترا الحد المنية ______________حبيبي اشكثر احبنك واودك
اذبحة الي يحب وصلك وودك
انا بيدي لجيبنك و اوديك
و اخاف من الخلك و من المنية
_______________يريت اوصل لعد بيتك و اشوفك
اشمعزها نظرتك عندي و شوفك
اقتله العاين لطولك و شافك
شوفك كحل لعيون البريه
_______________حبيبه دايما انتي حبيبه
عزيزة وثابته بروحي حبيبه
حبيب انه و الي انتي حبيبه
اليريد ايريد و اليزعل سويه
________________أشيرعلى الرجال وعلّّي منشار
وخشمي ما يكصه أثنعش منشار
وين تروح وين أطير شبچي عليك منشر
أصيدك لو تصيرأجناح مية
الرد
أكص خشمك بأضفري موش منشار
چيفنك ماتطيع الشور منشار
شبجك عل الزبايل دوم منشر
يصيد الخنفسان البيه أذيه
_______________الهوى والشوك يا هل الناس نعمه
أخاف أترك أخاف أنوب نعمه
يطارش روح كل لحسين نعمه
هم عدكم خوي خان بخوية
_______________
ريحة حبيبي يا يمه ورد ماي
وثلج يوم الاشوفه افور وارد ماي
واظل اصبر على جروحي وردماي
متاني هواي بس يسأل عليه
_______________كلبي مات يحبابي وراكم
وصوركم ضلت بكلبي وراكم
يمتى تعود ياخوية وراكم
سنة سنتين لو مامنها جية
________________احب كل يوم اشوفك و اشتمنك
واذا تبعد اسبك و اشتمنك
اسألني شراد گلبي و اشتمنك
بوسط عيني فلا تبعد علية
______________ارياگي من شراب الصبر مرات
انكروني الجانوا يمرون مرات
اجن و ازعل و اعاتب بعض مرات
و بعض مرات اگولن هاي هية
________________مر مظلم علية الوكت مرضاي
انا شما ياتي من المعبود مرضاي
يهل تنشد علي جتال مرضاي
بجبدتي و شاهدت سهم المنية
_______________حبيبي شعطلك عني و ماييت
الوسيعة ضاگت بعيني و ماييت
طريح و ناحل بهجرك و ميت
من اشوفنك ترد الروح بية
_______________اجيت امشي عل الولف طالب وردني
والزمن خاوة النذل عل الشين وردني
لچ ليش الهجر منچ وردني
ونور وجهچ علي صاير تحجبينه _______________أحبك من صغر سنك ويهلك ليش أليحب يتعذب ويهلك أغار عليك من تكعد ويهلك أذاوية ألغريب أشلون بية _________________ تمرضت وصعد مرضي على شفاي طب لندن فلايكدرعلى شفاي حبيبي من تحط شفتك على شفاي أحس ألدنية كله أدوربية): __________
الف وسفه الدهرعنك بعدني.اموت وارتجي لوصلك بعدني تراني على الوعد باقي بعدني. وتراك انت الهوى والروح ليه _______________ خلافك بعداسمرمن ونادم ومتحسر على شوفك ونادم , عيون الناس مي تجري ونادم بجت عيناي من فركاك اليه _____________همومي هواي ماخلن علي حال غريبةوحبك من اللة علي حال يل تنشد علي ماضل علي حال تسر عداك من تسئل علية _______________ منو كال الجفوف اتدك على البيبان شفت جفك ابعيني اتدكه بيباني ومنو كال اليموت ايدفنه اي دفان انه ارجع عدل لو انته دفاني
_____________
حبيبي لاتظن الوكت سرنا& هجرنة ديارنة وللغرب سرنا& وحكك مابعت للغرب سرنة& بس دمعي فضحني وخان بية
____________
بعدني وياك بل العشره ولازال اوحبك بالكلب ثابت ولازال وحكك صادك بحجي ولا زال اضل وياك لاخر نفس بيه .
___________
تعال وشوف اهاتي وليروح...طحت بشماتة اليلفي وليروح...الي عين البجت لجلك وليروح...البكت بجفاك تتمنى المنيه
___________
يمته نرتاح ابوطنه ويمته ننسه الي جره
يمته مو كافي انهزمنه بسنه نرجع ليوره
يمته مو كافي ابحياتي عايش ابنص مكبره _________
نصيحة أم لبنتها
خـلـٌـي إييدك إعله إثنيــن بنتي الطمع زيــــــن
والثالث إحچي ويــــاه بالچ تخســــــــــــرين
للروح أرش بارود ونسف أثرها
دلالي لو ينساك وأمشي بأمرها
لا لا ترش بارود لا لا تهم بيه
دلالي ما ينساك غصبن علية
_________________
سابيني هذا البيت من دون البيوت لا درج تصعد ليه ولا رخصة وتفوت

سابيك هذا البيت خوب أكسر الباب وأتحمل الصدعات من أجل الأحباب
______________سلاني سل فركاك يابعد هل روح اخذ الكلب وياك بس طيب اللجروح
اتكلة
انة الاخذت الروح والكلب عندي
شتظن اطيب اجروح يابعد جبدي
اكلهة
انتي الاخذتي الروح والكلب عندج
ماطيبيتي اجروح زيدهة بعدج _____________
للخوه مخلص دوم ما بدل الراي افدي الجسد والروح للينصح وياي
الرد
يلگت مخلص دوم للخوه حياك
فدوه الجسد والروح وانطيني يمناك
_____________
ردا على الدارمي الذي يقول
برج الدلو شمحلاه واحلى اكثر انته
والبرج فاهي يصير لو انته عفته
الرد
البرج منك صار لمن تدليت
وسط البرج نيشان يلغالي خليت
___________ _ _صـافن وأحس الليل هم صافن وياي ... سر بحلك نسوان خلتني دنياي

الرد

سرّك وصل نسوان هنيالك بهاي
سرّي انه بآنترنيت شامرته دنياي
__________
وحده كالت لحبيبها
اتركني اترجاك خليني اعوفك
بلجي اكدرآنه انساك منما اشوفك
جاوبها حبيبها وكال
تحجي صدك يهواي واتكلي اعوفك
صدكني تعمه العين من ما تشوفك _____________ حوار بين رجل كبير طاعن فالسن وا فتات في ريعان شبابها

الرجال...
ريت الشباب يعود وتعنه لهلج ...وكون الخوات اهواي بيهن ابدلج

الفتاه...
ياجدي وكتك راح وروح خضره.... يصعب حجي الشوك للكاضي عمره

الرجل..
يبنيه خضرى الروح ليش التعدي اثرت بيه هواي كلمت يجدي...
_______________صدر بصدر لاكاني ولامال
ولاعينه الجفت عني ولامال
ولاخلي ورث لبني ولامال
وضل طول العمر مجفي على الوطيه
____________
وصخونه
يهل رايح لخونه وصي اخونه
كله ترا الوصخين كثرو وصخونه طحت ما بين مرضين والصخونه مرض صبري ومرض فركاك اليه
____________
بسمه اتخبل من تنادي الناس بسمه كتبت الكلب والعمر بسمه يمحبوبي مو ضحكه ردت بسمه ليش الاحبه يخون بيه
___________
يگلولي تنخه وگلت شرجي
وهواك اليوم صاير علي شرجي
اخبرك يا اخوي اليوم شر جاي
واضل ممنون لاهل العامريه
____________
الف هنياله الضايگ لبنكم
ادز وارسل ضوه عيوني لبنكم
بنيت الگلب طابوكه لبنكم
وبعد هيهات تتهدم عليه
___________
لاحن
آنه جفوفي من فراكك ضيم لاحن
عجب كلبك علي ابد لا حن
صحيح اصبرت لكن اضل لاحين
اسامح بيك وانت تعيل بيه
____________
عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه
_______________
الك اجمل مسج ابعث ورقها
حبرها ادموعي وجروحي ورقها
يلمسبب سهر عيني وارقها
عزيز وشوفتك صعبت علية
___________
للشاعر علي الخفاجي..
يدنية شفاد حربج..حاربينة
واضن حتى وكتنة..حار بينة
اثر جوية بدينة..حارة بينة
حرارة مو جمر جن نار بية
____________
للشاعر الكبير علي الخفاجي..
تانيتك تمر بس ..مرة بينة
هواي ايام مرت..مرة بينة
مرة تصير بيكم..ومرة بينة
ومرة شصار لو نفرح سوية.
_____________
شوصفلك ثغر ولفي وعينه
نجم بسماي صايرلي وعينه
حرت مابين افك كلبي وعينه
لو اذوب بهواه العمل بيه
___________
ماي العذب مايك والمي انه
او تضل مو ولم غيري ولمي انه
انتكاسر بلمازح والميــــــــانه
اونخلط ماينه او مايك سويه
______________
ابكد الموت احبنك وريدك
او عسى يسمر دخل دمي وريدك
حياتي او موتي يمدلل وريدك
تموت اتكلي اموت اوهاي هيه _____________ وحك من انزل الصورة ورمها
انا علتي بالكلب زايد ورمها
أحبهامن صغر تحبي ورأمها بحضن امها وتدير العين الية
_____________
شليله الروح وتعالــج بسلهه
على الناذر كبل روحه بس الهه
نخيته ومن سمع صوتي بسلهه
ولا جن يوم وكلته من اديه
_______________
لعب بيةالزمان شلون ميمر
وجفة عني العزيز وبعد مامر
الحنضل جرعتة وكلت مو مر
المر فراكك يالغالي علية
______________
حلو وياك كلبي صفه نيتة
يريد ايكون يمك صفه نيتة
شارعنة بجمالك صفنيتة
وطاح من الركن للركن بية
_____________
تخلبص غزل خوتك صفه كتلك
بوجه الكون نوكف صف كتلك
حبل غدرك جتفني وصف كتلك
ضلوعي الصفكن لا مو ادية
_______________توهة العين طابتلة وقرتلة
وروحي اعترفت بحبة وقرتلة
ناس بلا بخت راحت وقرتلة
صار يخاف مني ويشك بية
_____________
بيد احمس الكهوه وبيد كليت
وجم حيد البراسه الرمح كليت
اسف يامجمع الطيبين كليت
صفو غياب لو تحت الوطيه
_______________
على جروح العشك صليت
وضلوعي من عظم فركاك صليت
درت وجهي عليك وكمت صليت
يلحسنك ضيع القبله عليه
_______________
اسمع زين اكلك وانتبه لك
شنو الجابرني اسمعك وانتبهلك
شخابصني بعمامك انت باهلك
هلي نبراس ومضوي علية
____________
بعد ماأعرف ياوسفه شمالي
وابد يمناي ماتوصل شمالي
أذا عدكم هوه عذيبي شمالي
انه هواي شرجي وعم عليه
_____________
ثكيل وزهك التمثال صمتك
ورمضان وعلي مكتوب صمتك
ماندري شيحمل ياحلو صمتك
بيه الدوه مادري الداي اليه
____________
ساعة يصير مشراكة ساعةفاي
طحت وبعد ماتلحك علي سعافاي
جنت اني نخلة ويفيلهم سعفاي
وعلى كرصت خبز جيمو بية
______________
ذكرك مانسيته بليل وانهار
وجرت من دموعي بحور وانهار
من كثر نوحي دليلي انعاب وانهار
على فراكك يروح الروح ليه
______________
وحك الحاء ويه السين والنون ( الحسن ع)
وطه والكهف ( والقلموالنون )
غشيمه الناس عل الراحو يونون
البجي بس على ابن الزهره الزجيه
______________صديق البادرك بالطيب ردة
مو تجفي وتروح بغير ردة
شافاني ركض للباب ردة
جزات الطيب سد بابه علية
________________
مشتاكَ أضوگن ندى شفتك وأنتعش بي
وأسويلك بالگلب مسكن وإنته عشبي
بستاني سواني الهوى وإنته عشبي
وسلنمني المنجل بين أديه
___________
بعينك دقيس الناس وأنته صفي
تلكه حبك سكن كلبي أنتصف في
أتمنه بالهوى طالب وأنته صفي
وأداوم بيك صبحي ومسائيه
_____________
ورحمه ...
عليكم من سـلام الله ورحمه
حن على هالگلب مره ورحمه
اذا رايـد اجر انتـه ورحمه
تعال انطيني بوسـه وحن عليـه
_________________
اجمعك وية وناتي واقسمك
وبعد ما احلفك بربي واقسمك
يل تنشد شنو فرعك وقسمك
رياضيات عالي على الثرية
________________
حمى جسمي بغيابك ياماحامي
كََظيت العمر كله ياماحامي
بعد يلحكَ علي يا محامي
اذا انت علي ترفع قضيه
____________
حبيبي من الهوى نص لي ونصلك
واجب نعتني بشخصك ونصلك
يامالك مهجتي نص الي ونص لك
الك ثلثين عقل ونص اليه
_____________
من هم الصخور اتموع واتذيب
وعلي دنياي تجمع ضيم وتذب
ابن ئاوة انجمع والضبع والذيب
اليطلع الشاة وينة البيه حمية
______________
كلامك گطّع بروحي وترها
وشوف الهم بعيونك وترها
يبين هالوكت ياحمد وترها
وياشين الخوي لو خان خيه
_______________امس واليوم حلو الطول مامر
وعلى چبدي لذيذ الزاد ما مر
سألت الناس گالو الزين ما مر
وأمر امن الصبر فرگاه عليا
_______________
ثلثين الليل ما نامة وحس به
اعدة ساعة الساعه واحسبة
تجي حسبة تسليني وحسبة
تهيج كل الم ساكن علية
______________
هموم هواك ماخلن..علي حال
فريضه وحبك من الله ..علي حــال
يالتنشد على حالـــــــي..علي حـال
شيفيد النشد عالصار بيـــــــــــــــه
_____________
خطيـــــه الروح راحت من يعدها
وكثيرة همومي صارت من يعدها
وكثير اطبــــاع صارن مني عدها
أحسن هيه آني واني هيه
______________
على اعداي من اطيحا خردلني
ياوسفة الليالي خردلني
عكب ما جنت مصمت خرده لني
كمت ما ينشرة وينباع بيه
____________
طبيبي لاتجس النبض خله
اخاف احجي واخاف تصير خله
سبب هذا المرض افراك خله
وهواهم سلني ولامرض بيه
____________
نضل اخوان شيعتنا وسنه
وحدتنا عاده من جدنه وسنه
دحد سيفك يا خوي وسنه
وعلى المندس خل نهجم سويه
____________
يهل الناديت بسمي هواى عيده
ويه هل ماخذ دليل وياك عيده
الكلب مو بسعد رمضان عيده
اني عندي العيد من نكعد سويه
______________
تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه
_____________
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
______________
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
_____________
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
______________
سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه
_______________علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه
_____________
حساباتك بربعك من تعدها
صفر يطلع عددها من تعدها
جنت قدوة مجالس من تعدها
شعجب من طحت مابيهم حمية ____________
حبيبي فارك عيوني ونساني
گضه عمره وياي حاسبني ونساني
حسباله الهجر عدل ونساني
ونه عدلي يكسر ضلوعي بيه
____________
تعال وشوف كلبي بناره وجـــــــهـين
وسهمك يا حبيبي وياي وجـــــــهـين
مكروه اليصير بطبع وجـــــــهـين
ولابد تنكش ذات الرزيه
______________سروري انتة واعيادي والافراح
بغيابك لا تضن اضحك ولا افرح
غريب الما رحل عني وولف راح
بعيد وما اضن يرجع الية
_____________
حبيبي شبيك بس تخلف وعيدي
وعلي رديلي يحزاني وعيدي
رمضان انكضه حسره وعيدي
ثلث تيام ريته بلامنيه
_______________
اناالماكرر بحجيي ولا عيد
ولا احسب بزلاتك ولاعيد
شمالم ماتمر بيه ولا عيد
الخلل مدري بجنابك مدري بيه
____________
مره ايامي بغيابك شحلها
وروحي الفرح من بعدك شحلها
اديه مجتفه لظهري شحلها
الزمن يعكد وانه الميتات اديه
__________
كمت ماارفس برجلي ولادج
ولا اطعن اليطعني ولادج
ديره وماشفت بيه ولاديج
اليعوعي الصبح ويصح البريه
____________
روحي الموت ياصاحب طبلهه
وروحي مابعد ينفع طب اله
العواذل ياوسف دكت طبلهه
بيوم انته ابعدت واكطعت بيه
_____________
جمالك زاد فوك الحسن وصفه...
صافي دلالك مثل النبع وصفه...
عليمن يكتب الدكتور وصفة...
إذا أنته الدوه والصيدليه...
_____________
سلام وطيب من عدكم وصلنا
وعسى ماينكطع منكم وصلنا
الهوى اللي يهب منكم وصلنا
أشمه وترد الروح الييه
____________
بعد وياك مااصدك وعد لك
چثير احسب من همومك وعدلك
و بعگد الگصب لو احطك وعدلك
سنه وتطلع الحدبه ذيچ هية
____________
يمته تنغر عل روحي يربها
وخاف يعم عل الوادم يربها
كضة البيها وغدة تاكل يربها
خلصت ولامنها بجية
______________
طبيبي انتة لاريدن منكشفة
وخاف يموت حبي منكشفة
مو شفتين اريدن منك اشفة
ابوسنهة ورد القاط مية
____________
لجلك ضحك سني ونتسني
وخليني اريحنك ونتسني
خو تدري انة شيعي ونتة سني
وحبك رغم انف الطائفيه
____________
اعلة سلة ما اجيت عسلتين
يمن خليتني بهجرك عسلتين
اسالك ذني وجناتك عسل تين
ضكتهن والطعم بيه حيرة اليه
_______________
دزيت العنب يا صاحب معسلاك
وكل كمر ماشفت منك معسلاك
عليش تخلي تفاحة معسلاك
مهي خدودك تفاح اليه
_____________
شكثر كلوب كبلك سلبينة
ورد بالعين لاجن سلبينة
وحيدين وكمنة نستانس سلي بينة
مثل شم الهوة مسجاتك اليه .
_______________ولك انشد عن احبابك ولك سال
دمعهم ما جره لغيرك ولك سال
مرض بيه ارد اخبرنك ولك سال
وضاع ادواي بس شفتك شفيه _____________
علامه الوكت مرمرني علامه
لجمني وحطلي بكلبي علامه
لصيرن لك مثل راغب علامه
واغني لناري البكلبي غنيه
_____________
قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه
_____________
يلي بهمك ملابس لابستني
وثوب الحزن بيدك لابستني
رحت لا صالحتني لابستني
ولاكتلي جذب حقك عليه
____________
دخيلك حبيبي يابعدالروح بس تان
اريد اخذ من الوجنات بس تان
صرت مثل كاع البصرة بستان
الثمر للناس وانا اعثوك الية
______________
اكطع من خدودك ورد واشتم
ولا ادري شبقالي من العمر وش تم
مرخوص سبني كل ماردت واشتم
شتايمكم ثواب لوالدية
_____________
حبيبي شگد وفي وطيب وصادق
أحبك ما أحب غيرك وصادق
نخيت الهادي والباقر وصادق
تظل إنت أعز محبوب اليه
_______________
ياهو اللوا الدنيا منعدينا (غيرنا)
شفنة أجرب ورا أجرب منعدينا (عدوى)
تركنا أهواي حاروا منعدينا (ذهبنا)
نسير بزود أيمان وتقية
____________
اريد اجمع قطع كلبي وردلك
لان كل قطعه بيهه انت وردلك
انه الزارعلك بوسط كلبي وردلك
اسكيه وانوب ارد اليه
______________
خليل اموادعك بالعين خله
ويل هجرك عمل بحشاي خله
عيب على الخليل العاف خله
بوكت الضيج وبوكت المنيه
_________________
تره الدنيا صفت مو دنيا بعداك
لذت ياريت بالخوان بعداك
انه امن اذكر الغربه وطول بعداك
ابجي الليل ونجومه عليه
_____________
عزيز واغلى من روحي وطنة
اموت بريحة ترابة وطينة
واسمع ونة بجروحي و طنة
لو فارگت ارضي العراقية
____________
وشى الشامت عليا وشعلهلك
اللطم والدك علينا واشعلهلك
لجي لبابك اشتم واشعلهلك
واهجم بيتة لبعدك علية
____________
سهم فرگاك حط بالگلب ويعين
وذكرك بالمنام يعود ويعين
بعدك من يشيل الحمل ويعين
بعدك من يجيب الفرح ليه
____________
امشي بطوعك وامرك وانه هواك
واحبك من زغر سنك وانه هواك
عليك الروح تنشدني وانه هواك
شجاوبها اذا انت الروح اليه
______________
هم يضل هم يروح شي بات
تعال وشوف بالدلال شيبات
اعاين بالمراية وشفت شيبات
كلت هذا انذار ياروحي الية
______________
بالمثلك كون يعرف قدر نفسه
وصديج النافسك بالخير نفسه
اذا صخرة بلال اكطعت نفسة
ترة الصخرة بثكل وجهك عليه
______________
اتركني يا ثجيل الجدم عديت
انا بصبري صبر ايوب عديت
اذا انت نجوم الليل عديت
انة نجوم الظهر طلعت علية
______________ لون يدري حبيبك بيك چاياك ( اجاك)
وراسي ما يعدل بغير چاياك ( شاي)
شه ش بحبك جنت چا يه ك (ارقام كردية)
تخليني وتشمت عداي بيه
_____________
شنهو الماعرف دنيه ولادين ؟
وشنهو المامشه برجله ولادين؟
وشنهو الاله بالسنه ولادين؟؟
شنهو الما ينام الا بتجيه ؟؟؟
____________
دكم نقالي خربهن رصيدي
يالبنك العشك حبكم رصيدي
اراسلكم واذا خلص رصيدي
اعبي لو بعت هدم العلية
____________
نحيل الجسم من بعدك تراني
واريدك دوم بعيونك تراني
افكر بيك كل لحظه تراني
وسألك هم تفكر دوم بيه؟
______________
كلب صافي لون تهوى كلبنه
وابد مايوم عالصاحب كلبنه
احنه ضلوع الك وانت كلبنه
ونحافظ عالكلب من كل اذيه
____________
واريد الزم خديدك واشتمنه
واريد انعل ابيك وشتمنه
تدري شراد كلبي وشتمنه
على صدرك اموت وهاي هيه
_______________
بدمع عيني اكتبتلك خاطرانه
والك مايوم كاسر خاطرانه
غير انت تجيلي خاطرانه
اجيلك معتني زحوف اعله ديه
____________
صدك دهري يمحبوبي تهاني
لجن كل يوم اوديلج تهاني
اذا اسمع يصيح احد تهاني
اهبن وانطفي بعلتي الخفيه
_____________
كون الحجي كص اكبال كصه
وجف الصافح الخوان كصه
النذل ويه النذل من فرد كصه
وله عدهم صداقه وخوي
____________
قص اشيخطر ابالك وناقص
نذل ما عشرت مثلك وناقص
شد احبال عشرتنه ونا اقص
وذا اسلم عليك اشطف اديه
____________
عيني من الدمع بغضن شفته
على العافتني وياه غيري شفته
شفت بيده النذل لزم شفته
احس بجدامه جن يسحك عليه
______________
حرت ياهو ألنچزه وألنضيفه
لأن شبچت ألوسخه وألنضيفه
صفه حته ألنزوره وألنضيفه
يذب حسراته گبل ألجودليه
_____________
وحك الي تعبدة الناس واحد
واحد ما درة بهموم واحد
الف يبنون والهدام واحد
اني الوحدي ابني والف هدام الية
_____________
كتلي امشط الكذلة على فراك
وبچة وعرفت البصدره على فراك
يريت اللي سعه بهجرة علف رك( طعام سلحفاة
يموت وماله كبر على الوطية
____________
تمزق وتر دلالي واردحي
وعليك ومابطل نوحي واردحاي
اريد الموت ياخذني واردحي
وأشوفك بالنجف تبجي عليه
_______________بذني من علي مريت شيطان
وحواسي الخمسة من العرج شيطان
مو انسي اظنن بيك شيطان
لعبت بعقلي من مريت بيه
_____________
مجنون وهواك النوب جني
وشياطين العشك مركاض جني
مو جني ركبني ميت جني
قفلت ولا رهم مفتاح اليه
_____________
احبك يا ابو شامه وجه دوار
وانا من صغر سني عليك دوار
اريد اترك مهنتي واشتغل دوار
حتى اشوفك كل صباح وكل مسيه
_____________
عليل وكون اطيبن يوم وابره
ومن ذنب الجنيته ارتاح وابره
عشرتي وياك عشرة ثوب وابره
يبززني واكول يروف بيه
_______________ ذيب الوكت يا صاحب ولانا
وكسر كل جرن جاسي ولانا
لا انتة اسلمت منهه ولا انا
وصفينه على الجدر والجوديله
____________
انا روحي الليالي مرسنهه
الاصيله انته اتعرفهه من رسنهه
سيوفي ما مغمدتهه مره اسنهه
اركاب اعداي مبردهن وديه
________________
صيري حبيبة الي وصيرلج /اب
ونجمد بس اشوفج واحنة بوسط/اب
تزكيني مر العشك وازكيج انة سفن/اب
دوخة يلعشك وكلك اذية
_____________
صار سنين عن عشكي مسائل
ودمعي من نزل عنك مسائل
حبك موكتابه وحل مسائل
حبك بالدراسه الجامعيه
_____________
وحك صوره قريش واحلف والايلاف
الكلب ابحبك لابدل ولا لاف
احبك عشره والميه والالاف
لان حبك مرض وانتشر بيه
___________
امر علدار واشتم من نسمه
وتطيب الروح بلسم من اسمه
اهيم بحرف واحد من اسمه
ومن اسمع كل اسمه شلون بيه
______________
مرمني وبرمش العين سلــم
گلبي اشكد قوي من شافة سلم
يرب من الحسد الحلوين ٍسلــم
ومن نظرة الناس البربريـــه _____________ايكولون الحسن بالشعر ............ وصفه
كلت الأبيض مثل البدر .............وصفه
و حلاة السمر خمرة عشك ............وصفة
عذروني الگلب حبهن سوية
_________________
بجه حتى الصخر من كثر نوحي وعليك ياحبي مابطلت نوحي بس يعكوب ناح بكثر نوحي يوم الضاع يوسف بالوطيه
________________
جان الكلب جفك ....وانت جفة
وراح نجوز منك ....وانتجفة
انا بميزان جفة ....وانت جفة
ادك روحي لجل تعلة علية
_________________
اريد الياس منك .....ياسة ياسة. وهذا الكلب منك ....ياسة ياسة. تكلي احجي سياسة...ياسياسة.سايستك كبل واغدرت بية
_______________
قشمروني وجان ضنهم قشمروك وغلطة اكبر غلطة لان مافكرو
هما باعوني وعلى اعنادي اشتروك وانتة اني اذا" هما اتقشمرو
____________
نشدت الناس عنك وانته هينه وعلى فراكك تلفنه وانتهين كلبي انتة التعذبة والتهينه ويظل اسمك حلو وغالي علية
_________
حفرت الجدم جيفن يوم طبله....ولا مرة الهوى والوكت طبله....الزمن خلاني بيد اعداي طبله....اصرخ والجفوف ادك علية.
_________________
يعلمني الزمان دروس وانسه....وعلى حالي بجت رضعان وانسه....
انت الجنت للطيبين ونسه....
صرت مكروه دنيه واخريه.
_______________
عــــراق اشكثر سافرنا و مشيناه و ليــــالي طوال بفراكــك كضيـــنه كـــل الكـــون شـــفـــناه طـــول و عـــرض جـبـنـاه بــــس مثـــلك وطـــن لا ما لكينـــه
____________
اريد انحر ديار الغرب بجاي واحبك من جنت بل المهد بجاي حبيبي لو تحط الزهر بل الجاي مناعة من المراض تصير بية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
احلى الابوذيات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بعد احلى :: منتدى الشعر العام-
انتقل الى: