ابوذيات رائعـــــــــــــــــــــــــــــــــــــــة

يهل تنشد لحالي حالي فاني
وبس الحزن بعدك حالفاني
ابد ما احب غيرك حالف اني
وجتف روحي الك بثني ادية

واذا اجتفها بيدك انته حلها
وروحي تحب عشرتك انته حلها
لغز صارت محبتك وانته حلها
دحلها بساع حته اتصير الية

ونصير احباب منك وانته منه
وأمل ماعدنه صدك وانته ملنه
شكد نحلم بشوكك وانتمنه
شجاك وبالوصل تكطع لية

واحنه الماكطعنه بيوم وصلك
لان شخصك نعرفه منين وصلك
صيامك مايفيدك بعد وصلاك
لان دم بركبتك ضل الية

لون ناسي الكتلني ودفني
وخذت بالعشك فني ودي فني
لون تدري انه شودي ودي فني
ديار اهلك هذيج العالوطية

واكلهم حقي اريدنه وثاري
لان يمكم لكو جثني وأثاري
ابنكم هوه كاتلني وثاري
دفني ومايريد يدلي بية

لان اجفوفه بس الهم ودلي
ومليته بحزن فنجاني ودلي
بعد ماعلم بجرحي ودلي
لان ياهو الاعلمه يلجمه الية

واكل للجرح يمعود وك اشفه
وصديجك روزه بالمحنه وكشفه
الحبيب الجرح ماشوفه وكشفه
لان يحسبها نقطت ظعف بية

وانه المابينت نقطت ظعف له
وحبه بكلبي لو يدري ظعف له
الجسم بجفاه يمدلل ظعف له
وصفيت بمجهر يدور علية

للشاعر حسن الكميتي
تحـــــــ مع ـــــــيات
الجــ♥ــــALIـــ♥ــزار