تريد انساك جا عاوني انساك
بشرط كون انته تضمن انسه طاريك
كلت ما احجي بيك كبال هالناس
كمت جي جذبوني واحلفت بيك
ورجل عيني اعله دربك تعبت هواي
من كد ما تروح وترجع اعليك
اراويك الفرح رغم انه بالظيم
وانته الفرحه وتكلي شراويك
كروة ادزك جزة بالروح
واكلك كلي تعبانه كراويك
الهوى لو مر عليه اتعارك ويا
وانته بصفي خاطر لا يمر بيك
اخاف اعليك حته من الهوى الهاب
واخافن حته من ايدك على ايديك
واغار اعليك من الغيرة التغار
وتغار الغيرة مني الغارت اعليك
ودي الماي اعدمه اليلمس اشفاك
ودي الساني اكطعه جي يحاجيك
زعلني واكلك انه غلطان
واحب زعلك لان جي بيه اراضيك
ولان انته قوي وتفرح لمن تفوز
لذلك انه احبنه رهانك
السان الغير اكطعه لو غلط يوم
واذا تغلط اكلك صح لسانك
بست فد مرة كرسي وضحكت الناس
وتخبلو من درو هذا مكانك
شلون انساك وانته انه يمحبوب
اذا انساك معناها انسه انه
كلت ما روح يمك خاطر انساك
شفت يمك تعنه وهوة جانه
شفت انه مكانك درت هالعين
حجه وكلي تعال انه مكانه
عبرت كلنه نغمك بلكت تروح
اشو غمتنه صارت ام دانه
رزن وعيونه تكتل ويرزنته
العمه لو شافه يبصر ويرزنته
كم هير انته ماكو ويرزنته
مثل ناثنك انه بزعلك علية
،._