قصيدة غزل رائعة

للشاعر نهاد الخيكاني

عساها بذمتك راح اترك النوم
اذا ما اريد اشوفك يعني ما نام
حسرة اعليه اغمض جفني لحضات
كبل يم بابكم تاخذني الاحلام
واكلك غيرتك هم تقبل بهاي
عن طبكت جفنها اعيوني صيام
صحت يمك دخيلك راسي مطلوب
ابمحكمت الشماته اتحاكم اعدام
صدك ضميتني بس للاسف وين
على درب الشماته بقفص من جام
الحمد ل الله وعرفت شبيك مابيك
وميزت الحقائق عن الاوهام
كبل جنت من اضيعك ضرف لحظات
كل لحظه التمر تنعد بألف عام
بس وداعتك هسه الوضع غير
تمرني اسنين هجرك جنهن ايام
ردت منك سبب بيه اقنع الروح
تتسائل عليمن ضيعتها
الغشيمة المشتريتك بأعلى الاسعار
على ماذا ولمن خايب بعتها
اكولن ما اجيك وكاطع وياك
عتبت داركم جا حلفتها
من كد ما عليهن رايح وجاي
ألك روس الشوارع كسرتها
او من كد ما ابابك واكف اسنين
ارسومي ابابك انطبعت شفتها
لكيتك تستلذ لو دمعتي اتطيح
عصرت اعيوني يمك وشلتها
شفت ادموعي خلصت بيش اسليك
طلبت اعيون جيراني وجبتها

أسف حجي العواذل هيج داراك
شجالك بدلت بتراب داراك
تدور والدليل اباب داراك
من ما سكنته انصبغ بيه


تحـــــــ مع ـــــــيات
الجــ♥ــــALIــــ♥ــزار
_.،-"-،.AL- SALEEMY.،-"-،._